ബ്ലോഗുകള്‍ വളരെ മാറിയിരിക്കുന്നു. ഇന്ന് ഒരുപാട് ആളുകള്‍ ബ്ലോഗുകള്‍ വായിക്കുന്നു. ഇന്റര്‍നെറ്റിന്റെ ഉപയോഗം കേരളത്തിലും വര്‍ദ്ധിച്ചു വരുകയാണല്ലൊ. ആദ്യകാലങ്ങളില്‍ പ്രവാസികളായിരുന്നു പ്രധാന ബ്ലോഗെഴുത്തുകാര്‍. എന്നാ‍ല്‍ ഇക്കാ‍ലത്ത് കേരളത്തില്‍ താമസിക്കുന്നവരും ബ്ലോഗില്‍ അധികമായി എഴുതുവാന്‍ തുടങ്ങിയിരിക്കുന്നു. വളരെ നല്ല കാര്യം. പുതിയതായി വരുന്ന ബ്ലോഗെഴുത്തുകാരെ ശ്രദ്ധിച്ചാല്‍ ഇതു മനസ്സിലാക്കാന്‍ കഴിയും.

ആദ്യകാലങ്ങളില്‍ മിക്കവരും ബ്ലോഗ്സ്പോട്ടില്‍ ആയിരുന്നു ബ്ലോഗുകള്‍ എഴുതിയിരുന്നത്. എന്നാലിന്ന് പലരും വേര്‍ഡ്പ്രസ്സും സ്വന്തം ഡോട്ട് കോം അഡ്രസ്സും ഉണ്ടാക്കുന്നതും നമുക്കു കാണുവാന്‍ കഴിയുന്നു. ഇതിനെ ബ്ലോഗിംഗിന്റെ അടുത്തപടി എന്നുവേണമെങ്കില്‍ വിശേഷിപ്പിക്കാം.

കഥക്കായുള്ള ബ്ലോഗ്, കവിതക്കായുള്ള ബ്ലോഗ് എന്നീ പ്രവണതകള്‍ മാറി, വിവിധ വിഷയങ്ങള്‍ കൈകാര്യം ചെയ്യുന്ന ബ്ലോഗുകളെ നമുക്കു കാണുവാന്‍ കഴിയും. വിഷയങ്ങളുടെ വൈവിധ്യങ്ങള്‍ എന്നും നല്ലതു തന്നെയാണ്. അതുപോലെ പോസ്റ്റുകളുടെ എണ്ണം വര്‍ധ്ദിപ്പിക്കുന്ന കാര്യത്തില്‍ ഇത് ഒരാശ്വാസമാണെന്നും ചിലര്‍ പറയുന്നു.

അതുപോലെ, ഒന്നിലധികം ആളുകള്‍ ചേര്‍ന്നെഴുതുന്ന ബ്ലോഗു കൂട്ടായ്മകളും വളരെ സാധാരണമാവുന്നു. ആശയപരമായും മാനസികപരവുമായ ഒത്തൊരുമ ഇവിടെ അനിവാര്യ്യമായി വരുന്നു. അങ്ങിനെയില്ലാതെ വന്നാല്‍ ഇത്തരം ബ്ലോഗുകള്‍ക്ക് ആയുസിന് ഭംഗവും വരുന്നു.